Fil-Ħemda tal-Lejl

F’lejlet il-Milied numru ta’ għefieret (elves) ikunu mqabbdin minn Father Christmas biex jaħdmu f’kamra tal-ikel, jagħmlu l-ġugarelli ħalli jitqassmu lit-tfal ta’ madwar ir-raħal. Mhux l-għefieret kollha jġibu ruħhom sew, min ikun imqareb, min jaħdem fil-kwiet, min jinki u min moħħu biex jiekol. Sadanittant Father Christmas joħroġ bil-moħbi u jara u jinnota x’ikunu qegħdin jagħmlu għax ikun irid jippremja lil dak l-għafrit li jkun għamel xogħlu sew.

Meta l-għefieret jintebħu li ma jkunux jistgħu jlaħħqu max-xogħol li jkollhom, isejħu lil xi tfal mill-udjenza biex jgħinuhom. U mill-udjenza għafrit minnhom isejjaħ tlett itfal. Tidħol ukoll fix-xena Mother Christmas li tnewwel l-ikel u x-xorb minn ħin għal ieħor.

Father Christmas jiddeċiedi li jippremja lil kull min ħadem u stinka, jagħmel kuraġġ lil dak li baqa’ lura u l-akbar rigal jingħata lil min ħaseb f’ħaddieħor.